Question

खालील विषयांवर निबंधलेखन करा.

वर्णनात्मक निबंध

पहाटेचे सौंदर्य.

Answer 1

पहाटेचे सौंदर्य

पहाट आपल्यासाठी खूप मोठ्या प्रमाणावर एक नवीन दिवसाची नवीन स्वप्नांची नवीन ध्येयाची नवीन योजनांची आणि नवीन आयुष्याची नवीन आनंदाची नवीन पर्वाची सौंदर्य घेऊन आलेली असते. अश्याच एका सुंदर पहाटेच्या सौंदर्याचा अनुभव मी घेतला.

वातावरण खूप छान होते. आजुबाजुला अनेकजण उत्साहात व्यायाम करत होते. आरोग्याबाबत जागरूक लोक, जवळपास सर्व वयोगटातील लोक मॉर्निंग वॉक करताना मला पहायला मिळाले. वाटेत लागलेल्या मैदानावर मुले पळण्याचा व्यायाम करीत होती. त्यांच्याकडे पाहून आपणही रोज रोज असे व्यायामाला यायचे हे मनातल्या मनात ठरवले. पहाटेचा तो गार मंद वारा मला अनुभवता आला. मी अनेक कवितांमध्ये पहाटेच केलेलं सुंदर वर्णन वाचले होते परंतु आज ते स्वतः समोर पहायला मिळत होते. निसर्गाची नवनवीन रूपे मी पाहिली. इथून पुढे पहाटे लवकर उठून पहाटेचे सौंदर्य अनुभवायचे मी ठरवले. मनाला वेगळीच प्रसन्नता येत होती. हा अनुभव माझ्यासाठी नवा होता. अंधाराचे जाळे फिटू लागले होते. हळूहळू सूर्य नारायण वर येऊ लागला. आता रस्ते नीट दिसू लागले होते.

सकाळी झाडांवर पक्षी किलबिलाट करताना पाहून मन आतून प्रसन्न होते. बहरलेली शेतं बघून जणू स्वर्गच अनुभवल्यासारखं वाटले. आजूबाजूचा हिरवागार निसर्ग आणि हळू हळू वर येणारा सूर्य हे दृश्य खूपच छान वाटत होते. हे रम्य दृश्य मला अनोखं होतं. निसर्गात केवढे सौंदर्य दडले आहे हे मी माझ्या डोळ्यांनी पाहत होतो. रस्त्यावर जास्त रहदारी पहायला मिळत न्हवती. काही लोक आळस झटकत व्यायाम करत होती. वातावरण शांत आणि प्रसन्न वाटत होते. ताजी हवा माझ्या शरीरातील सर्व आळस काढून टाकत होती. शेजारच्या देवळामधे काकड आरती चालू होती. काही चहाची दुकाने उघडली होती. वातावरण थोडे थंड असल्यामुळे लोकांनी कानटोपी, स्वेटर घातले होते. गरम गरम चहा घेत माणसं ताजीतवानी होत होती. तिथेच छान छान भक्तिगीते ऐकू येत होती. त्यामुळे खूप प्रसन्न वाटत होते.