Question

खालील निवेदन वाचून बातमी तयार करा:

Answer 1

जनमानस सानेगुरुजी विद्यालयात वार्षिक क्रिडा महोत्सव संपन्न सोलापूर, १४ जानेवारी २०२०: काल दिनांक १३ जानेवारी रोजी सानेगुरुजी विद्यालय, सोलापूर आयोजित वार्षिक क्रिडा महोत्सव पार पडला. या क्रिडा महोत्सवाच्या अध्यक्षस्थानी मा. श्री. रोहित बर्वे हे होते, तर सुप्रसिद्ध धावपटू मा. सौ. अपर्णा भोसले या महोत्सवात प्रमुख पाहुण्या म्हणून उपस्थित होत्या.            सानेगुरुजी विद्यालयातील इयत्ता ५ वी ते इयत्ता ९ वी च्या सर्व विद्यार्थ्यांनी या क्रिडा महोत्सवात भाग घेतला होता. सकाळी ८ वाजता क्रिडा महोत्सवाची सुरुवात झाली. कबड्डी, खो-खो, लंगडी, गोळाफेक, धावण्याची शर्यत यांसारख्या पारंपरिक खेळांच्या स्पर्धा आयोजित करण्यात आल्या होत्या. त्याचप्रमाणे बास्केटबॉल, फुटबॉल असे पाश्चिमात्य खेळांच्या स्पर्धाही झाल्या. खेळासोबत शिस्त व लयबद्ध पद्धतीने कवायत प्रकार, मल्लखांब प्रकार तसेच लेझीम नृत्य यांसारखे क्रिडा साहित्यावर आधारित नृत्यप्रकार विद्यार्थ्यांनी सादर केले.            त्यानंतर क्रिडा महोत्सवाचे अध्यक्ष मा. श्री. रोहित बर्वे आणि प्रमुख पाहुण्या मा. सौ. अपर्णा भोसले यांच्या हस्ते विजेत्या विद्यार्थ्यांना बक्षिसे देण्यात आली. 'मानवाच्या आयुष्यातील खेळाचे महत्त्व' या विषयावर मा. सौ. अपर्णा भोसले यांनी विद्यार्थ्यांना मार्गदर्शन केले. राष्ट्रगीताने क्रिडा-महोत्सवाची सांगता करण्यात आली.