Question

‘आधी केले मग सांगितले’, या उक्तीची यथार्थता स्पष्ट करा.

'आधी केले मग सांगितले' या उक्तीची यथार्थता 'मोठे होत असलेल्या मुलांनो' या पाठाच्या आधारे स्पष्ट करा.

Answer 1

समर्थ रामदासांनी “आधी केले, मग सांगितले!" या सुवचनातून अत्यंत मौल्यवान संदेश दिला आहे. अनेकांना अशी वाईट सवय असते की, त्यांनी स्वतः काहीही न करता त्यांची कामे इतरांनी करावी. आळशी प्रवृत्तीतून “दे रे हरी, खाटल्यावरी” अशी मानसिकता निर्माण होणे अयोग्य आहे. आपण परावलंबी न राहता, स्वतःची कामे स्वतः करण्याची जिद्द ठेवली पाहिजे. जेव्हा आपण स्वतः आपल्या कामांमध्ये निपुण होतो, तेव्हा इतरांसमोर आदर्श निर्माण करतो. स्वावलंबनामुळे दुसऱ्यांचा विश्वास वाढतो आणि आपण प्रेरणादायी व्यक्ती म्हणून ओळखले जातो. हेच “आधी केले, मग सांगितले!” या विचारामागील सार आहे.