Question

संयुक्त राष्ट्रांच्या घटकशाखांविषयी माहिती देणारा पुढील तक्ता पूर्ण करा.

क्र.	शाखा	सदस्य संख्या	कार्ये
१.	आमसभा
२.	सुरक्षा समिती
३.	आंतरराष्ट्रीय न्यायालय
४.	आर्थिक व सामाजिक परिषद

Answer 1

क्र.	शाखा	सदस्य संख्या	कार्ये
१.	आमसभा	१९३	सुरक्षा समितीवरील अस्थायी सदस्यांची निवड करणे. सुरक्षा परिषदेच्या बरोबरीने संयुक्त राष्ट्रांचे महासचिव आणि आंतरराष्ट्रीय न्यायालयातील न्यायाधीशांची निवड करणे. संयुक्त राष्ट्रांच्या वार्षिक अंदाजपत्रकास मान्यता देणे.
२.	सुरक्षा समिती	१५ (५ सदस्य कायम, १० सदस्य अस्थायी)	आंतरराष्ट्रीय शांतता आणि सुरक्षितता राखणे ही सुरक्षा परिषदेची प्रमुख जबाबदारी आहे.  शस्त्रास्त्र नियंत्रणासाठी योजना तयार करण्याचे काम सुरक्षा परिषद करते. आमसभेच्या बरोबरीने आंतरराष्ट्रीय न्यायालयाचे न्यायाधीश आणि संयुक्त राष्ट्रांचा महासचिव निवडण्यात सुरक्षा परिषदेचा सहभाग असतो.
३.	आंतरराष्ट्रीय न्यायालय	१५ न्यायाधीश	संयुक्त राष्ट्रांचा सदस्य देश असलेल्या दोन किंवा अधिक राष्ट्रांमधील तंटे सोडवणे. आंतरराष्ट्रीय कायद्यांचा योग्य अर्थ लावणे. संयुक्त राष्‍ट्रे संघटनेच्या विविध शाखा किंवा संलग्न संस्थांना कायद्याशी संबंधित प्रश्नांवर सल्ला देणे.
४.	आर्थिक व सामाजिक परिषद	५४ सदस्य	दारिद्र्य, बेरोजगारी, आर्थिक व सामाजिक विषमता अशा प्रश्नांची जागतिक पातळीवर चर्चा करणे व उपाययोजना सुचवणे. स्त्रियांचे प्रश्न, स्त्री सक्षमीकरण, मानवी हक्क, मूलभूत स्वातंत्र्य, जागतिक व्यापार, आरोग्यविषयक समस्या अशा प्रश्नांवर चर्चा करून निर्णय घेणे. आंतरराष्ट्रीय स्तरावर सांस्कृतिक व शैक्षणिक सहकार्य प्रस्थापित करण्याचा प्रयत्न करणे. संयुक्त राष्ट्रांशी संलग्न असलेल्या विविध संघटनांच्या कामात सुसूत्रता व समन्वय राखणे.