Question

संशोधक होण्यासाठी तुम्ही स्वतःच्या व्यक्तिमत्त्वात कसे बदल कराल ते ८-१० वाक्यांत लिहा.

Answer 1

संशोधन करणे हे अत्यंत मेहनतीचे, चिकाटीचे काम आहे. हे काम करण्यासाठी आवश्यक असणारे गुण माझ्यात आहेत का हे मी आधी तपासेन. जर ते गुण माझ्यात नसतील, तर मी ते आत्मसात करण्याचा प्रयत्न करेन. मोठमोठ्या शास्त्रज्ञांची चरित्रे, माहिती वाचून त्यातून प्रेरणा घेईन. संशोधनासाठी जिज्ञासूवृत्ती ही अत्यंत गरजेची असल्याने मी प्रत्येक गोष्ट 'अशी का' याविषयी विचार करून त्याचा शोध घेईन. कोणत्याही गोष्टीकडे, घटनेकडे पाहताना त्याचा सर्वांगाने विचार करण्याची सवय लावून घेईन. दिसणाऱ्या, जाणवणाऱ्या सर्व गोष्टींची नोंद ठेवेन, विज्ञानात व इतर क्षेत्रात होणाऱ्या संशोधनाची नोंद ठेवेन. आधी झालेल्या संशोधनाचा आढावा घेईन व त्याचा पुढील प्रयोगांसाठी उपयोग करेन. कोणत्याही प्रकारच्या अपयशाने खचून न जाता सातत्याने प्रयत्न करेन. नव्याने अनुभवास येणाऱ्या गोष्टींची चिकित्सकपणे पडताळणी करेन.