Question

‘समई हे सातत्याचे, संयमी वृत्तीचे आणि सामर्थ्याचे प्रतीक आहे’. या विधानाबाबत तुमचे मत स्पष्ट करा.

Answer 1

समईची ज्योत ही देवापुढे, गर्भगृहाच्या आत ठेवलेली असते. तेव्हा तिची काळजी घेतली जाते की ती सदासर्वकाळ जळत राहील. त्यामुळेच ती सतत तेवत असते. यातून समईच्या स्वभावातील सातत्य दिसून येते. तिची इच्छा असत नाही की संपूर्ण घर, मोठे वाडे किंवा सर्व परिसर प्रकाशित करावा. ती फक्त देवघरातील किंवा मंदिरातील गर्भगृह उजळून टाकते. तिचा प्रकाश हा मंद असतो, पण तो डोळ्यांना सुखकारक आणि मनाला शांत व थंड करणारा असतो. मर्यादित राहाणे हा जणू तिचा जन्मसिद्ध धर्मच आहे. म्हणूनच तिला संयमी म्हणता येते. तिच्या प्रकाशात असलेला परिसर हा काहीतरी उंच आणि उदात्त भावनेने भरलेला असतो. ही भावना माणसाला खूप मोठे समाधान देते. हेच तर समईचे खरे सामर्थ्य आहे.