Question

सुगीच्या दिवसांतील शेतातील धान्य, फुले, फळे यांचे महत्त्व सांगा.

Answer 1

पावसापूर्वी नांगरून ठेवलेल्या जमिनीत पावसाला सुरुवात झाली की शेतकरी बियाणे पेरतो. काबाडकष्ट करून, दिवसरात्र मेहनत करून तो पीक घेतो. जेव्हा शेतामध्ये धान्य उगवून येते, तेव्हा शेतकऱ्याला अति आनंद होतो. कारण त्याने केलेल्या कष्टाचे फळ त्याला मिळालेले असते. या शेतातील धान्यावर त्याचे व त्याच्या कुटुंबीयांचे पोट भरत असते. वर्षभराची त्याची चिंता संपते. तसेच फुले व फळे बहरून आली की त्याचा आनंद गगनात मावेनासा असतो. शेतकरी साऱ्या जगाचा पोशिंदा आहे. त्यामुळे सुगीचे दिवस त्याच्या नशिबात सोन्याचे दिवस असतात. अशा प्रकारे शेतातील धान्य, फळे व फुले यांचे महत्त्व खूप आहे.