Question

तुमच्या शब्दांत उत्तरे लिहा.

खेळ आपल्याला स्वावलंबी बनवतो व निर्णयक्षमता वाढवतो, तुमच्या शब्दांत लिहा.

Answer 1

खेळ आपल्याला स्वावलंबी बनवतो व निर्णयक्षमता वाढवतो. खेळामुळे खेळाडूच्या अंगी विविध गुणांची रुजवणूक होते. नेतृत्व गुण, स्वावलंबन, निर्णयक्षमता, जबाबदारपणा, कणखरता, हार स्वीकारण्याची वृत्ती, खिलाडू वृत्ती हे गुण खेळाडूच्या अंगी रुजतात. प्रत्येक खेळाडू हा खेळातील हार किंवा विजयास स्वत:च कारणीभूत असतो. यातून जबाबदारीची जाणीव त्याच्या अंगी बाणवली जाते. त्या बळावरच प्रत्येक खेळाडू स्वत: जबाबदारी घेऊन पूर्णपणे स्वत:च्या बळावर लढू लागतो. त्यामुळे, त्याच्या अंगी स्वावलंबनाची वृत्ती जोपासली जाते. खेळात झटपट निर्णय घ्यावे लागतात. ठरवलेल्या गोष्टींमध्ये परिस्थितीनुसार अचानकपणे बदल करावे लागतात. परिणामी, तात्काळ निर्णय घेऊन पुढचा डाव खेळावा लागतो. यामुळे, खेळाडूच्या अंगी उत्तम निर्णयक्षमता रुजते. अशाप्रकारे, खेळ आपल्याला स्वावलंबी बनवतो व निर्णयक्षमता वाढवतो.