Question

तुमच्या शब्दात उत्तरे लिहा.

‘कडाक्याची थंडी पडली आहे’, अशी कल्पना करून परिसरातील असाहाय्य व्यक्तीला कोणती मदत कराल, ते लिहा.

Answer 1

कडाक्याच्या थंडीत कुडकुडणाऱ्या असाहाय्य व्यक्तीला मी सर्वप्रथम एखादे घोंगडे किंवा स्वेटर यांसारखे उबदार कपडे देईन. त्याला चहा, कॉफी यांसारखे एखादे गरम पेय पिण्यास देईन. त्यामुळे, त्याची थंडी कमी होण्यास मदत होईल. त्यानंतर त्याला गरम खाद्यपदार्थ खाण्यास देईन जेणेकरून त्याच्या अंगात शक्ती येऊन तो हालचाल करू शकेल. एवढे करूनही त्याची तब्येत ठीक नसल्यास त्याला डॉक्टरांकडे नेऊन औषधोपचार करेन. त्यानंतर एखाद्या स्वयंसेवी संस्थेमार्फत त्या व्यक्तीची काही सोय करण्याचा प्रयत्न मी पालकांच्या साहाय्याने करेन.