Question

तुमची लाडकी ताई घरात नसली, तर तुम्हांला काय वाटते, ते थोडक्यात सांगा.

Answer 1

मी आणि माझी ताई एकमेकींच्या खूप चांगल्या मैत्रिणी आहोत आणि म्हणूनच ताई कधी घरात नसली, तर मला जरासुद्धा करमत नाही. मला कधी कंटाळा आला असेल, तर ताई माझ्याशी खूप गप्पा मारते, मला विनोद, कोडी सांगून हसवते, मग माझा कंटाळा कुठच्या कुठे पळून जातो. मला अभ्यासात काही अडचण आली, तर ती मला मदत करते. ती घरात नसली, तर घर खायला उठते. वेळ जाता जात नाही. काहीच करू नये असे वाटते. सारखी ताईची आठवण येत राहते. खरंच, माझी लाडकी ताई घरात नसली, तर मला खूप एकटेपणा जाणवतो आणि मी उदास होते.