Question

शास्त्रीय कारणे लिहा.

मानवी शरीरातील काही अवयव बहुमोल आहेत.

Answer 1

1. नेत्र, हृदय, फुप्फुसे, स्वादुपिंड, यकृत, हाडे, मूत्रपिंडे व त्वचा यांसारखे अवयव मानवाला निरोगी राखण्यात व त्याच्या शरीरांतर्गत घडामोडी पार पडण्यात महत्त्वाची भूमिका बजावतात. जर हे मौल्यवान अवयव निकामी झाले किंवा शरीरातून काढून टाकले, तर माणूस सुरळीत जीवन जगू शकणार नाही.
2. या अवयवांचे दान केल्यास एखाद्या गरजू माणसाचे आयुष्य सुसह्य होऊ शकते.
3. वाढते वयोमान, अपघात, रोग, व्याधी इत्यादी कारणांमुळे ज्यांचे अवयव निकामी झालेले आहेत, अशा व्यक्तींना आपण मूत्रपिंड, त्वचा आदि ठरावीक अवयव दान करू शकतो.
4. मरणोत्तरही यकृत, हृदय, डोळे यांसारख्या अवयवांचे दान करता येते.
   म्हणूनच, मानवी शरीरातील काही अवयव बहुमोल असतात.

Answer 2

1. मानवी शरीर निरनिराळ्या अवयवांच्या कार्यानुसार चालत असते. मेंदू, वृक्क, फुप्फुसे, हृदय, यकृत असे काही अवयव जिवंत राहण्यासाठी महत्त्वाचे आहेत. तसेच आपली ज्ञानेंद्रिये - विशेषतः डोळे हे बहुमोल आहेत.
2. या अवयवांचे कार्य बिघडले तर आरोग्याला धोका निर्माण होतो. मेंदूसारख्या अवयवात तर पुनर्जननाची क्षमता देखील नसते. काही अवयवांची डागडुजी शस्त्रक्रियेने करता येते. परंतु अशा अवयवांची कार्यक्षमता कमी झाली तर जगणे असह्य होते. म्हणून अशा अवयवांना बहुमोल म्हटले जाते.