Question

खाली दिलेल्या काव्यपंक्तींचे रसग्रहण करा.

मूठ मिटून कशाला
म्हणायचे भरलेली
उघडून ओंजळीत
घ्यावी मनातली तळी

Answer 1

कवयित्री आसावरी काकडे यांच्या 'खोद आणखी थोडेसे' या कवितेतून जिद्द, चिकाटी व उमेद बाळगून कष्टाची कास धरली, तर यश प्राप्त होतेच हा अतिशय सकारात्मक संदेश मिळतो. जे वास्तव आहे त्याविषयी कोणताही भ्रम न ठेवता, उगाचच भ्रमक समजुती बाळगू नयेत. स्वत:मधील उणिवा जाणून घ्याव्यात. स्वत:मध्ये खोल उतरूनच आपल्याला आपल्या क्षमतांनी भरलेली तळी दिसतील. त्या सुप्त क्षमतांना जाग आणावी. आपली रीती ओंजळ त्याने भरून घ्यावी असा संदेश वरील पद्यपंक्तींतून कवयित्री देऊ पाहत आहे.
         प्रस्तुत कविता अष्टाक्षरी छंदात असून अल्पाक्षरत्व हे या कवितेचे वैशिष्ट्य आहे. कवयित्रीने येथे कमीत कमी शब्दांतून अर्थगर्भ आशय व्यक्त केला आहे. 'मनातली तळी' या अर्थपूर्ण प्रतीकाचा वापर करून कवयित्री आपल्या कमतरतेला आपल्यातील सुप्त क्षमतांनी भरून काढण्याचा संदेश समर्पकरीतीने देत आहे.
         आंतरिक लयीमुळे कविता तालासुरात म्हणता येते. साध्या, सोप्या शब्दांच्या माध्यमातून ही कविता आपल्याला सकारात्मक संदेश देते.