Question

दिलेल्या उताऱ्याचे वाचन करून खालील प्रश्नांची उत्तरे लिहा.

सोहगौडा ताम्रपट       हा ताम्रपट सोहगौडा (जिल्हा गोरखपूर, उत्तर प्रदेश) येथे सापडला. हा ताम्रपट मौर्य काळातील असावा, असे मानले जाते. ताम्रपटावरील कोरीव लेख ब्रह्मी लिपीत आहे. लेखाच्या सुरुवातीला जी चिन्हे आहेत त्यातील पारासहित असलेला वृक्ष, तसेच पर्वत (एकावर एक असलेल्या तीन कमानी) ही चिन्हे प्राचीन आहत नाण्यांवरही आढळतात. चार खांबांवर उभे असलेले दुमजली इमारतीप्रमाणे दिसणारे चिन्ह कोठारघरांचे निदर्शक असावेत, असे अभ्यासकांचे मत आहे. या कोठारघरांमधील धान्य जपून वापरण्यात यावे असा आदेश या लेखात दिला आहे. दुष्काळजन्य परिस्थितीचे निवारण करण्यासाठी काय काळजी घ्यावी, या संदर्भातील हा आदेश असावा, असे मानले जाते.

1. सोहगौडा ताम्रपट कोणत्या राज्यात सापडला?
2. सोहगौडा ताम्रपटावर आढळणारी चिन्हे आणखी कोठे आढळतात?
3. सोहगौडा ताम्रपटाद्वारे कोणता इतिहास समजतो?

Answer 1

1. सोहगौडा हा ताम्रपट उत्तर प्रदेश राज्यातील गोरखपूर जिल्ह्यातील सोहगौडा येथे सापडला.
2.  लेखाच्या सुरुवातीला असलेल्या चिन्हांमध्ये पारासहित असलेल्या वृक्ष, तसेच पर्वत (एकावर एक असलेल्या तीन कमानी) ही चिन्हे प्राचीन आहत नाण्यांवरही आढळतात.
3. 1. सोहगौडा ताम्रपट हा मौर्य काळातील असल्याने आपल्याला त्या काळातील राजकीय, सामाजिक-आर्थिक स्थितीबद्दल माहिती मिळते.
   2. या ताम्रपटातून असे सुचवले आहे, की कोठारघरांमधील धान्य जपून वापरण्यात यावे असा आदेश या लेखात दिला आहे. दुष्काळजन्य परिस्थितीचे निवारण करण्यासाठी काय काळजी घ्यावी, या संदर्भातही आदेश असावा असे मानले जाते.