Question

वसंतऋतूच्या आगमनाने सृष्टीत होणारे बदल तुमच्या निरीक्षणाने लिहा.

Answer 1

वसंतऋतूच्या आधी सृष्टी भकास असते. शिशिर ऋतूमध्ये झाडे निष्पर्ण होतात. कोकिळेच्या मधुर कुजनातून कळते की, वसंतऋतूचे आगमन होत आहे. वसंतऋतू आला की झाडांना पालवी फुटते. झाडे मोहरतात, फुलांनी बहरतात. वेगवेगळी फुलझाडे विविध रंगांच्या फुलांनी सजतात. फुलांचा सुंदर सुगंध आसमंतात पसरतो. काही झाडांच्या पायथ्यांशी फुलांची पखरण होते. डोंगर, पठार व नदीकाठ गवत फुलांनी बहरतात. जंगलात वेगवेगळी फुले फुलतात. आंब्याच्या झाडांना मोहर येतो. अशा प्रकारे सर्व सृष्टी नववधूसारखी सजते. म्हणून वसंतऋतू म्हणजे फुलांचा उत्सव! वसंतऋतू म्हणजे सौंदर्याचा राजा!!