Question

विश्वेश्वरय्यांमधील तुमच्यावर प्रभाव टाकणाऱ्या गुणविशेषांचे तुमच्या शब्दांत वर्णन करा.

Answer 1

विश्वेश्वरय्या हे जगप्रसिद्ध अभियंते होते. त्यांच्या अनेक गुणांमुळे त्यांना अनेक पुरस्कार मिळाले. त्यांच्या अनेक गुणांमध्ये मला सर्वात जास्त आकर्षित करणारा गुण म्हणजे त्यांची समस्यांवर मात करण्याची वृत्ती. ते कोणत्याही समस्येला धाडसाने आणि पूर्ण ताकदीने सामोरे जात असत. प्रत्येक समस्येचे निराकरण वेगळे असते आणि त्यावर उपाययोजनाही वेगळी असते. विश्वेश्वरय्या हे प्रत्येक ठिकाणी नाविन्यपूर्ण कार्य करत असत. त्यातूनच त्यांची अभियांत्रिकी प्रतिभा दिसून येत असे. ते आपली सर्व बुद्धी लावून काम करत असत. या गुणामुळेच त्यांच्याकडून अलौकिक कार्ये पार पाडली गेली. प्रत्येकाने हा गुण अंगी बाळगला पाहिजे. मग आपापल्या आयुष्यात माणसे यशस्वी होतील आणि त्यांना जीवनातला श्रेष्ठ आनंद लाभेल.