Question

उताऱ्याच्या आधारे सूचनेनुसार कृती करा:

1. उत्तरे लिहा:  (2)

1. म्हातारीच्या जगण्याचा एकमेव आधार - ______
2. आपल्या तरुण मुलाला ‘माणसं’ दाखवणारा - ______

शहरगावी राहणाऱ्या मुलाची पत्रं हाच म्हातारीच्या जगण्याचा एकमेव आधार आहे, हे ओळखलं आहे त्या प्रौढ, समंजस पोस्टमननं. तो नुसता पत्रं पोहोचवणारा सरकारी नोकर नाही. तो माणूस आहे, भला माणूस! आपल्या तरुण मुलाला तो केवळ पहाडातल्या वाटा आणि खेडी दाखवत नाही. तो त्याला माणसं दाखवतो आहे. माणसांपर्यंत पोहोचवण्याचे पूल दाखवतो आहे. म्हातारीचं वाट पाहणं सुखाचं करण्याची रीत त्यानं मुलाला समजावली आहे. ‘वाट पाहणं’ ही गोष्ट एरवी सुखाची थोडीच असते! दु:ख, काळजी, भीती, अस्वस्थता, तडफड-कितीतरी गोष्टी असतात त्यात भरलेल्या. पावसाची वाट पाहणाऱ्या शेतकऱ्याचे डोळे आठवा जरा किंवा विठूच्या दर्शनाची वाट पाहणाऱ्या संतांचे अभंग आठवा. त्या करुणेचा स्पर्श झाला की लक्षात येतं, एखाद्या गोष्टीची वाट पाहायला लागते तेव्हाच तिची किंमत कळत जाते. कित्येक मोलाच्या गोष्टी सहज मिळाल्या तर त्याचं मोलच आपल्या लक्षात येत नाही. वाट पाहताना आपण संयम शिकतो. धीर धरायला शिकतो. एखाद्या गोष्टीवरचा विश्वास घट्ट करायला शिकतो. श्रद्धा डोळस आणि पक्की होत जाते. ध्यास वाढत जातो.

2. आकृती पूर्ण करा.  (2)

3. स्वमतः  (3)

‘वाट पाहणं’ ही गोष्ट एरवी सुखाची थोडीच असते! या उद्‌गाराविषयी तुमचे मत सविस्तर लिहा.

Answer 1

1. 

1. तिच्या शहरगावी राहणाऱ्या मुलाची पत्रं
2. प्रौढ, समंजस पोस्टमन.

2. 

3. वाट पाहण्यात दु:ख, आतुरता, ओढ, अपेक्षा, आणि तळमळ अशा विविध भावनांचा समावेश असतो. या भावना नेहमीच सुखकारक असतात असे नाही; तरीसुद्धा वाट पाहण्याचा अनुभव जीवनात अनेक गोष्टी शिकवतो. ज्या गोष्टीसाठी किंवा व्यक्तीसाठी आपण वाट पाहतो, त्याचे मोल आपल्या लक्षात येते. प्रत्येक व्यक्तीला आयुष्यात कधी ना कधी वाट पाहण्याचा अनुभव येतोच. या वाट पाहण्यामुळे होणारी आतुरता, तगमग, किंवा दु:ख सुखद नसले तरी, वाट पाहून ती गोष्ट मिळाल्यावर मिळणारा आनंद अतिशय खास आणि मोलाचा वाटतो.