Question

‘शब्द बापुडे केवळ वारा’ या काव्यपंक्तीतील आशयसौंदर्य शब्दबद्ध करा.

Answer 1

पूर्वीची कविता आणि साहित्य उच्च सांस्कृतिक मूल्यांचे जतन करत होते. त्यातून जीवनानुभवातून आदर्श आणि प्रेरणा जनमानसाला मिळत होती. परंतु आता लिहिणाऱ्या हातातून सकस साहित्यनिर्मिती होत नाही. जो शब्दपसारा दिसतो तो भावनाशून्य आणि पोकळ आहे. शाश्वत राहणारे अभिजात साहित्य निर्माण होत नाही, याची खंत व्यक्त करताना कवी म्हणतात की, आताचे शब्द केविलवाणे झाले आहेत आणि ते वाऱ्यावर विरून जात आहेत. आता लिहिल्या जाणाऱ्या शब्दांची नश्वरता आणि तात्कालिकता कवीला या ओळीतून सांगायची आहे.