Question

सामाजिक बदलांबाबत कवितेतून व्यक्त झालेला विचार स्पष्ट करा.

Answer 1

पूर्वी गावगाडा होता आणि नैतिक मूल्ये जपणारी गावची संस्कृती होती. हळूहळू समाज बदलला आणि शहरे वाढू लागली. सगळ्या वस्तू झगमगीत मॉल आणि सुपरमार्केटमध्ये मिळू लागल्या. त्यामुळे छोटी छोटी किराणा, भुसार मालाची दुकाने बंद पडली. लोहाराचा भाता बंद पडला, कुंभाराचे चाक फिरणे थांबले आणि तांब्या-पितळेच्या भांड्यांचा वापर लयाला गेल्यामुळे कल्हईची झिलई निघून गेली. चुलीची जागा गॅसच्या शेगड्यांनी घेतली आणि आधुनिक समाजव्यवहारांमुळे माणसे दुरावली. अशा प्रकारे या कवितेत सामाजिक बदलांविषयी कवीने सांगितले आहे.