Question

खालील कवितेसंबंधी दिलेल्या मुद्दयांच्या आधारे कृती सोडवा.

मुद्दे	'अंकिला मी दास तुझा'
1. प्रस्तुत कवितेचे कवी/कवयित्री
2. प्रस्तुत कवितेचा विषय
3. प्रस्तुत ओळीचा सरळ अर्थ लिहा.	'अग्निमाजि पडे बाळू । माता धांवें कनवाळू।।'
4. प्रस्तुत कविता आवडण्याचे वा न आवडण्याचे कारण
5. प्रस्तुत शब्दांचा अर्थ लिहा.	i. काज -  ii. सवें - iii. पाडस - iv. धेनू -

Answer 1

मुद्दे	'अंकिला मी दास तुझा'
1. प्रस्तुत कवितेचे कवी/कवयित्री	संत नामदेव
2. प्रस्तुत कवितेचा विषय	परमेश्वर भेटीची तीव्र इच्छा
3. प्रस्तुत ओळीचा सरळ अर्थ लिहा.	आगीच्या तडाख्यात सापडलेल्या बाळाला पाहून त्याची दयाळू आई त्याला वाचवण्यासाठी धाव घेते. (तसाच तू माझ्यासाठी धाव घेतोस).
4. प्रस्तुत कविता आवडण्याचे वा न आवडण्याचे कारण	'अंकिला मी दास तुझा' हा अभंग मला फार आवडतो, कारण अभंगाची भाषा साधी-सरळ आहे. अत्यंत मोजक्या शब्दांत विविध दृष्टान्त (उदाहरणे) देऊन नामदेवांनी आपला उत्कट भाव कवितेत व्यक्त केला आहे. छोटे छोटे चरण (ओळी) वापरून नेमका अर्थ आपल्यापर्यंत पोहोचवला आहे. अभंगात 'बिंदूमध्ये सिंधू' म्हणजेच कमी शब्दांत खूप अर्थ व्यक्त करण्याची शक्ती आहे, हे या अभंगातून दिसून येते. ही संतकविता गाता येते. तसेच, ती वाचनीय, श्रवणीय असल्यामुळे मला फार आवडते.
5. प्रस्तुत शब्दांचा अर्थ लिहा.	i. काज - काम ii. सवें - लगेच iii. पाडस - हरिणीचे पिल्लू iv. धेनू - गाय