Question

(आदर्शवादी मुळगावकर) पाठात उल्लेख असलेल्या चिनी म्हणीतील विचार तुमच्या शब्दांत स्पष्ट करा.

Answer 1

माणूस आपल्या भविष्याची तयारी अगोदरच करून ठेवतो. ही तयारी विविध प्रकारांची असते. आर्थिक स्वरूपातील मदत फक्त काही प्रमाणातच उपयुक्त असते. झाडे लावली, तर दरवर्षी फळाफुलांचे उत्पन्न मिळते. तसेच लाकडांची निर्मितीही होते. पण, कोणत्या झाडांचा कधी, कसा व किती फायदा घ्यायचा, हे माणूसच ठरवतो. म्हणून माणूस चांगला असेल, तर या गोष्टीचा फायदा त्याला स्वत:ला होतोच; शिवाय त्याच्या कुटुंबालाही होतो. जर व्यक्ती अत्यंत कार्यक्षम असेल तर त्याचा लाभ संपूर्ण समाजाला होऊ शकतो. म्हणून, पैसे जमा करण्यापेक्षा झाडे लावणे अधिक उत्तम आहे कारण त्यांचा माणसांना उपयोग होणारच. परंतु, त्याहून अधिक फायदेशीर म्हणजे माणसांना घडवणे, याचा आपल्याला खूप उपयोग होतो. म्हणजे माणसे तयार करणे, हा मानवी समाज घडवण्याचा मार्ग आहे. चिनी म्हणीमध्ये नेमके हेच सांगितले आहे.