Question

(थोडं ‘आ’ भारनियमन करूया) पाठाच्या शीर्षकातून तुम्हांला समजलेला विनोद तुमच्या शब्दांत स्पष्ट करा.

Answer 1

भारनियमन म्हणजे विजेच्या पुरवठ्यात केलेली काटकसर. काटकसर, भारनियमन हे सौम्य शब्द झाले. वास्तविक स्थिती मात्र खूप गंभीर आहे. मुंबईसारख्या शहरांमध्ये तर २४ तास वीज उपलब्ध असते, परंतु ग्रामीण भागात वीजपुरवठा १० ते १५ तास बंद राहतो. यामुळे ग्रामीण जनतेचे जीवन कठीण होते. शासन या समस्येवर उपाय न करता, यालाच उलट 'भारनियमन' असे आकर्षक नाव देते. दुसरीकडे, लोक सुसंस्कृततेच्या भ्रमामुळे 'आभार', 'सॉरी' अशा शब्दांचा अतिरेकी वापर करतात. वीजपुरवठ्यातील अपर्याप्तता आणि 'आभार' हे दोन वेगळ्या प्रकारच्या समस्या आहेत परंतु त्यांचा निर्देश करण्यासाठी आणि 'आभार' मानण्याबाबत लोकांनी विवेक बाळगावा म्हणून 'भार' - 'आभार' या शब्दांची कोटी करीत लेखिकांनी 'आभारनियमन' हा शब्द घडवला आणि त्यावरून पाठाचे शीर्षक तयार केले आहे.