Question

(संतवाणी-(आ) धरिला पंढरीचा चोर) प्रस्तुत अभंगातून संत जनाबाईंच्या मनातील विठ्ठलाविषयीच्या कोणत्या भावभावना दिसून येतात, ते सांगा.

Answer 1

संत जनाबाई यांच्या मनात श्रीविठ्ठलाचा कायमचा वास वसावा हीच तीव्र इच्छा होती. त्यासाठी त्यांनी एक अनोखा उपाय योजला. त्यांनी भक्तीचा दोर विठ्ठलरूपी चोराला गळ्यात बांधून धरून आणले आणि हृदयाच्या बंदिखान्यात डांबून ठेवले. तो पळून जाऊ नये म्हणून त्याच्या पायात शब्दांची जुळणी करून बेडी घातली आणि त्याच्यावर 'सोहं' शब्दाचा प्रहार केला. इतकेच नव्हे तर त्याला जिवंत न सोडण्याची धमकी दिली. अशा प्रकारे या अभंगातून संत जनाबाईंचा श्रीविठ्ठलाप्रती असणारा अत्यंत उत्कट भाव व्यक्त झाला आहे.