Question

‘नर्स ताप आणि मनस्ताप दोन्हीचं निवारण करायची धडपड करते,’ या विधानाचा तुम्हाला समजलेला अर्थ लिहा.

Answer 1

अनूच्या मतानुसार डॉक्टरांपेक्षा नर्सचे महत्त्व अधिक असते. तिच्यावरची जबाबदारीही मोठी असते. आजारी माणसाची सेवा नर्स अधिक जिव्हाळ्याने आणि आत्मीयतेने करते. डॉक्टरांच्या व्यवसायात ज्ञानाला अधिक महत्त्व असते; पण नर्सच्या कार्यात भावना आणि संवेदनशीलतेचा वाटा मोठा असतो. डॉक्टरांचा स्टेथॉस्कोप रुग्णाच्या छातीपर्यंत पोहोचून आजाराचे निदान करतो; परंतु नर्सचा स्पर्श रुग्णाच्या हृदयापर्यंत पोहोचतो.

डॉक्टरांनी रोग ओळखला की त्यांचे काम पूर्ण होते; पण नर्सला रुग्णाची मानसिक अवस्था समजून घ्यावी लागते. तिला केवळ आजाराची नव्हे, तर आजारी माणसाची माहिती महत्त्वाची वाटते. रुग्णाचे मन जाणून घेणे, त्याच्या सवयी-गैरसवयी समजून घेणे, त्याला धीर देणे, त्याची मानसिक ताकद वाढवणे आणि औषधांची वेळ पाळणे अशी अनेक कामे नर्स करते. रोग औषधांमुळे बरा होतो; पण रुग्णाला परिस्थितीतून उभारी देणे आणि आजाराशी लढण्याची शक्ती देणे अधिक आवश्यक असते. डॉक्टर फक्त ताप मोजून आपले काम आटोपतात; परंतु नर्सला रुग्णाचा शारीरिक ताप आणि मानसिक ताण या दोन्हींचे निरसन करावे लागते.