Question

‘मातीत माती व्हावी एक, पुसून टाकीत भेदाभेद’ या काव्यपंक्तीतील सामाजिक आशय स्पष्ट करा.

Answer 1

प्रस्तुत ओळी 'पुन्हा एकदा' ह्या कवयित्री प्रतिमा इंगोले यांच्या कवितेतील आहेत. नवनिर्माणाचा ध्यास घेतलेल्या मनाच्या स्थितीचे वर्णन येथे केले आहे.

पुन्हा एकदा पावसाच्या सरी बेभान होऊन कोसळाव्यात. त्यामुळे मातीत माती एकरूप व्हावी. याचाच अर्थ, समाजातील सारे भेदभाव मिटून जावेत. धर्म, जाती, पंथ, भाषा यांवरून असणारी माणसामाणसांतील असमानता नष्ट व्हावी. समाजात एकता नांदावी, म्हणून 'मातीत माती व्हावी एक' असे कवयित्री म्हणते.