Question

माहिती संप्रेषणाची विविध साधने कोणती आहेत? विज्ञानाच्या संदर्भात त्यांचा वापर कसा केला जातो?

Answer 1

माहिती संप्रेषण तंत्रज्ञानाची साधने:

रेडिओ, मोबाईल, संगणक, दूरदर्शन, आंतरजाल, ई-मेल, व्हिडिओ कॉन्फरन्सिंग इत्यादी माहिती संप्रेषणासाठी वापरली जाणारी उपकरणे आहेत.

माहिती संप्रेषण तंत्रज्ञानाचा विज्ञानातील वापर:

1. मोबाईल: विज्ञानाशी संबंधित व्याख्यानांचे ध्वनिमुद्रण व चित्रीकरण करून विद्यार्थ्यांना उजळणीसाठी दिली जाते. याद्वारे विज्ञानाशी संबंधित माहिती मिळू शकते.
2. दूरदर्शन: विज्ञानाशी संबंधित शैक्षणिक धड्यांचे पुनरावलोकन केले जाऊ शकते. नॅशनल जिओग्राफिक, ॲनिमल प्लॅनेट, डिस्कव्हरी चॅनल यांसारख्या वाहिन्यांवर विज्ञानाशी संबंधित कार्यक्रमांचा अभ्यास करून आवश्यक ती माहिती मिळवता येते.
3. संगणक: विज्ञानाशी संबंधित माहिती संगणकात संग्रहित केली जाते आणि ती माहिती चे सादरीकरण करणे, आलेख निर्मिती करणे यासाठी वापरली जाते.
4. आंतरजाल: संगणक आणि आंतरजाल वापरून विज्ञानाशी संबंधित माहिती मिळवता येते. विविध संकेतस्थळांना भेट देऊन आवश्यक माहिती व चित्रे कॉपी करता येतात. वैज्ञानिक प्रयोग आणि निर्मितीचीही येथे तपासणी करता येते.