Question

खालील संकल्पना स्पष्ट करा.

व्हेनिस म्हणजे अद्‌भुत शहर...

Answer 1

व्हेनिस हे पाण्यावर तरंगणारे जगातील एकमेव, अद्भुत शहर आहे कारण येथे, रस्तेच नाहीत. त्यामुळे, येथे वाहतूक मार्ग, मोटारी, वाहतूक नियंत्रण करणारा पोलीस, ट्राफिक लाईट्स नाहीत. येथे जिकडेतिकडे फक्त कालवे आणि त्यांना जोडणारे पूल पाहायला मिळतात. खरे तर हे शहर नाहीच, ते अनेक छोट्या बेटांचा समूह आहे. ते निळ्या मखमली समुद्रावर टाकलेल्या हिऱ्या-माणकांच्या ढिगासारखे भासते. येथील चर्च, जुने राजवाडे इतके भव्य, उंच आहेत, की त्यांची टोके थेट आभाळात घुसल्याप्रमाणे वाटतात. येथील प्रवाशांना कोणतीच घाईगर्दी नसते. हे शहर निवांत व अलिप्त आहे. अफाट जलदर्शन घडवणारे, कालव्यांचे आणि कालव्यांतही तरंगणारे हे शहर खरोखरीच अद्भुतरम्य आहे.