Question

खालील मुद्दयांचा आधारे कवितेसंबंधी कृती सोडवा.

वस्तू

1. प्रस्तुत कवितेचे कवी/कवयित्री.  (1)
2. प्रस्तुत कवितेतून मिळणारा संदेश. (1)
3. प्रस्तुत कविता तुम्हांला आवडली किंवा न आवडली ते सकारण स्पष्ट लिहा.  (2)

Answer 1

1. कवी - द. भा. धामणस्कर
2. 'वस्तू' या कवी द. भा. धामणस्कर लिखित कवितेतून निर्जीव वस्तू यासुद्धा मानवी जीवनाचा एक अविभाज्य घटक असतात याची जाणीव करून दिली आहे. या वस्तूंची आपण प्रेमाने, स्नेहाने जपणूक केली पाहिजे असा विचार येथे मांडला आहे. जरी त्यांना मानवी भावना नसल्या, तरीही त्यांना मानाने, लाडाने वागवावे, जपावे व त्यांच्याबद्दल मनात कृतज्ञता बाळगावी असे कवी म्हणतात. वर्षानुवर्षे आपल्या घरात राहिलेल्या या वस्तूंना कृतज्ञतेने निरोप देण्याचा त्यांचा हक्क आपण जपला पाहिजे, असा संदेश प्रस्तुत कवितेतून व्यक्त होतो.
3. 'वस्तू' ही कविता मला फार आवडते कारण निर्जीव वस्तूंकडेही संवेदनशीलपणे पाहण्याचा दृष्टिकोन ही कविता आपल्याला देते. वस्तूंनाही माणसांसारखे जिवंत अस्तित्व, मन, आवडीनिवडी, हक्क असतात. असा वेगळा आशय कवी सहजपणे वाचकांसमोर मांडतात. मुक्तछंदात मांडलेली ही कविता तिच्यातील शब्दांच्या सामर्थ्यामुळे अलगदपणे वाचकांच्या मनात उतरते.