Question

पुढील कवितेच्या आधारे सूचनेनुसार कृती करा.

१) आकृतिबंध पूर्ण करा.  (२)

i. वस्तूंजवळ माणसासारख्या नसणाऱ्या गोष्टी-

1. ____________
2. ____________

२) मानव व वस्तू यांच्यातील समान भावना -  (2)

मानव
वस्तू

वस्तूंना जीव नसेलही कदाचित, पण जीव नसल्यासारखे वागवू नये त्यांना. वस्तूंना मनही नसेल कदाचित, पण ते असल्यासारखे वागलो तर वस्तू प्रचंड सुखावतात. वस्तू निखालस सेवकच असतात आपल्या, तरीही बरोबरीचाच मान द्यावा त्यांना. वस्तूंना वेगळी स्वतंत्र खोली नको असते, त्यांना फक्त 'आपल्या मानलेल्या' जागेवरून निष्कासित न होण्याची हमी द्या. वस्तूंनाही असते आवड स्वच्छ राहण्याची, हे हातांना लक्षात ठेवायला सांगा. वस्तूंना जपावे, लाडावूनही ठेवावे त्यापुढे जाऊन. त्याच जिवंत ठेवणार आहेत आपला स्नेह नंतरच्या काळातही.  आयुष्य संपले की वस्तूंनाही आजवरच्या हक्काच्या घरात राहू देत नाहीत, तेव्हा कृतज्ञतापूर्ण निरोपाचा त्यांचा हक्क शाबूत ठेवावा.

३) कवितेतील दोन ओळींचा सरळ अर्थ लिहा.  (२)

त्यांना फक्त आपल्या मानलेल्या जागेवरून
निष्कासित न होण्याची हमी द्या.

४) काव्यसाैंदर्य लिहा. (२)

वस्तूंनाही असते आवड स्वच्छ राहण्याची याबाबत तुमचा दृष्टिकोन सांगा. 

Answer 1

१)

i. वस्तूंजवळ माणसासारख्या नसणाऱ्या गोष्टी-

1. जीव
2. मन

२) मानव व वस्तू यांच्यातील समान भावना -

मानव	सुखावणे
वस्तू	सेवा करणे, स्वच्छतेची आवड

३) वस्तूंना स्वत:ची खोली नको असते; पण त्यांना त्यांच्या 'आपल्या मानलेल्या' म्हणजे त्यांच्या स्वत:च्या जागेवरून दूर न करण्याची हमी आपण देणे गरजेचे असते.

४) 'वस्तू' या कवितेतून कवी द. भा. धामणस्कर यांनी निर्जीव वस्तूंचे आपल्या आयुष्यातील महत्त्व जाणावे आणि त्यांच्याशी असलेले आपले भावनिक बंध व वस्तूंशी निगडित स्नेह जपावा असा विचार व्यक्त केला आहे.
आपण नेहम़ी वापरत असलेल्या वस्तू जर स्वच्छ असतील, तर आपल्याला त्यांचा अधिक चांगला वापर करता येतो. ती वस्तू दीर्घकाळ वापरणे शक्य होते. जेव्हा आपल्या दैनंदिन वापरातील वस्तूंची आपण दररोज स्वच्छता करतो, त्या टापटीप ठेवतो तेव्हा त्या स्वच्छ, लखलखणाऱ्या वस्तू अतिशय सुंदर दिसतात. स्वच्छ वस्तू पाहून आपल्यालाही प्रसन्न वाटते. जेव्हा आपण वस्तूंची योग्य ती काळजी घेतो तेव्हा आपल्या त्या वस्तूंविषयी असलेल्या भावनांमुळे त्या वस्तूंनाही समाधान मिळत असावे. वस्तूंनाही भावना असतात, त्यांनाही स्वच्छ राहण्याची आवड असते, असा नेहमीपेक्षा वेगळा आशय व्यक्त करणारा कवितेतील दृष्टिकोन मनाला भावतो.