Question

राजधातूंचे उपयोग कोणते?

Answer 1

1. चांदीचे उपयोग: चांदी चमकदार, जड आणि विजेचा उत्तम वाहक आहे.
2. 1. चांदीचा वापर दागिने आणि महागडी भांडी जसे की चषक, मग इत्यादी बनवण्यासाठी केला जातो.
   2. चांदीचा वापर नाणी बनवण्यासाठी केला जातो.
   3. चांदीचे क्षार, जसे की सिल्व्हर क्लोराइड, छायाचित्रण फिल्म बनवण्यासाठी वापरले जातात.
   4. चांदीचे वर्ख मिठाई सजवण्यासाठी वापरले जातात.
   5. चांदीचा वापर 'स्पटरिंग' नावाच्या प्रक्रियेद्वारे आरसे बनवण्यासाठी केला जातो.
3. सोन्याचे उपयोग: सोनं हे चमकदार पिवळसर आणि उच्च तन्यता व वर्धनीयता असलेले धातू आहे.
   1. सोन्याचा वापर संपत्तीचा निर्देशांक म्हणून केला जातो. ज्या देशांकडे जास्त सोने साठा आहे, तो देश श्रीमंत मानला जातो.
   2. सोन्याचा वापर दागिने बनवण्यासाठी केला जातो.
   3. सोन्याचा उपयोग उच्च मूल्य असलेली नाणी आणि पदके बनवण्यासाठी केला जातो.
   4. कृत्रिम उपग्रहांच्या मुख्य संरचनेवर सोन्याचा थर दिला जातो.
4. प्लॅटिनमचे उपयोग: प्लॅटिनम हे चंदेरी-पांढऱ्या रंगाचे, उच्च तन्यता आणि वर्धनीयता असलेले धातू आहे.
   1. प्लॅटिनमचा वापर दागिने आणि घड्याळे बनवण्यासाठी केला जातो.
   2. प्लॅटिनमचा उपयोग सल्फ्युरिक ॲसिड आणि नायट्रिक ॲसिडच्या उत्पादनात उत्प्रेरक म्हणून केला जातो.
   3. प्लॅटिनमचा वापर 'प्लॅटिनम कॅटलिटिक कन्व्हर्टर्स' मध्ये केला जातो.
   4. प्लॅटिनमचा उपयोग रासायनिक प्रयोगशाळांमध्ये देखील केला जातो.