Question

पुढील विधान चूक की बरोबर ते सकारण स्पष्ट करा.

स्वातंत्र्योत्तर काळापासून महिला सक्षमीकरणाच्या प्रयत्नांना सुरुवात झाली.

Answer 1

दिलेले विधान बरोबर आहे.

कारण:

स्वातंत्र्यानंतर, भारताने महिलांचे सक्षमीकरण करण्यासाठी कायदे आणि धोरणे स्वीकारली. संविधानाने समान अधिकारांची हमी दिली; तसेच शासनाने मालमत्तेत समान वाटा, हुंडा प्रतिबंधक कायदा, लैंगिक छळाविरुद्धचे कायदे आणि ‘कौटुंबिक हिंसाचारापासून महिलांचे संरक्षण कायदा’ यांसारख्या उपाययोजना लागू केल्या. याव्यतिरिक्त, ‘राष्ट्रीय महिला आयोगा’ ची ही स्थापना करण्यात आली.

महिलांचा सहभाग वाढवण्यासाठी राजकीय उपाययोजनाही करण्यात आल्या: ७३ व्या आणि ७४ व्या संविधान दुरुस्तीद्वारे स्थानिक स्वराज्य संस्थांमध्ये महिलांसाठी ३३% जागा राखीव ठेवण्यात आल्या (आणि काही राज्यांनी नंतर हे प्रमाण वाढवून ५०% केले).