Question

खालील प्रश्‍नाचे उत्तर दिलेल्या मुद्द्यांच्या आधारे ८० ते १०० शब्दांत लिहा.

खालील मूलभूत भावना स्पष्ट करा.
मुद्दे:

1. दुःख
2. भीती
3. आश्चर्य
4. तिरस्कार

Answer 1

1. दुःख: दुःख ही नकारात्मक भावना असून ती अनेकदा चिंता व भीतीशी संबंधित असते. अपेक्षा अपूर्ण राहिल्यास किंवा कठीण परिस्थितीचा सामना करताना ही भावना निर्माण होते. यामुळे शारीरिक व मानसिक आरोग्यावर परिणाम होऊ शकतो.
2. भीती: धोकादायक किंवा अनिश्चित प्रसंगात निर्माण होणारी भावना म्हणजे भीती. स्वतःचे संरक्षण करण्यासाठी व्यक्ती ‘लढा’ किंवा ‘पळा’ अशी प्रतिक्रिया देते. भीतीमुळे ताण वाढून आरोग्यावर परिणाम होतो.
3. आश्चर्य: आश्चर्य ही भावना सकारात्मक, नकारात्मक किंवा तटस्थ घटनांमुळे उद्भवू शकते. अनपेक्षित गोष्टी घडल्यावर ही भावना निर्माण होते. काही वेळा यामुळे ‘लढा’ किंवा ‘पळा’ अशा प्रतिक्रिया दिसून येतात.
4. तिरस्कार: अयोग्य, अनैतिक किंवा समाजविरोधी कृतींबद्दल निर्माण होणारी नकारात्मक भावना म्हणजे तिरस्कार. चुकीच्या वर्तनाबद्दल नापसंती व्यक्त करण्यासाठी ही भावना कारणीभूत ठरते.