Question

खालील दिलेली कृती सोडवा. (३)

तुम्ही वाचलेल्या बालसाहित्याबद्दल थोडक्यात माहिती लिहा.

Answer 1

आपल्या अभिनयाने रसिकमनावर राज्य करणार्या दिलीप प्रभावळकर यांच्या गाजलेल्या 'बोक्या सातबंडे' या पुस्तकांच्या मालिका मी वाचल्या आहेत. बोक्या सातबंडे हा लेखकाचा मानलेला मुलगा! त्यांच्या कल्पनेतील पात्र. तो निर्मळ मनाचा नि धाडसी वृत्तीचा आहे. तो व्रत्य आहे पण लबाड नाही. खोडकरपणा करतो; पण खोडसाळ नाही. त्याला एकच गोष्ट समजते ती म्हणजे गरजूला मदत करणे आणि ढोंगी माणसाच्या वर्मावर घाव घालणे. प्रत्येक संकटातून आणि अग्निदिव्यातून तो ज्याप्रकारे बाहेर पडतो ते वाचताना आपणच ते अग्निदिव्य करून सहीसलामत बाहेर पडल्याची भावना निर्माण होते.
दिलीप प्रभावळकर यांच्या मिस्कील खट्याळ लेखणीतून प्रसन्न विनोदाचा शिडकावा करणारे 'बोक्या सातबंडे' हे पुस्तक साऱ्यांनाच हसवते.