Question

खालील दिलेली कृती सोडवा. (३)

’गोष्ट एका माणसाची“ या कथेतील मधूच्या जागी तुम्ही असता तर तुम्ही कसे वागला असता, ते तुमच्या शब्दांत लिहा.

Answer 1

'मधू' गरीब असून त्याची आई आजारी असल्यामुळे तो नाइलाजाने पाकीट मारतो. आपल्या आईच्या आजारपणावर इलाज करण्यासाठी पैसे मिळवणे हा त्याचा हेतू आहे. नंतर त्याने ज्याचे पाकीट मारले त्याची परिस्थिती वाईट असल्याचे त्याला कळते आणि तो ते पाकीट परत देण्यासाठी जातो. मी मधूच्या जागी असतो, तर पाकीट मारण्याचे किंवा चोरी करण्याचे कृत्य केलेच नसते. त्याऐवजी डॉक्टरांच्या मदतीने सेवाभावी संस्थांशी संपर्क साधून त्यांच्या मदतीने आईचे ऑपरेशन करण्याचा प्रयत्न केला असता. तेही शक्य झाले नसते, तर एखादी छोटी नोकरी करून त्यातून पैसे मिळवण्याचा प्रयत्न केला असता. आपण नंतर कितीही संवेदनशीलता दाखवली तरीही अगोदर केलेली चूक ही चूकच असते असे माझे मत आहे.