Question

स्वमत स्पष्ट करा.

‘आपण सगळे शरीररूपी राज्याचे सेवक आहोत’ या विधानाबाबत तुमचे मत.

Answer 1

मेंदूने सर्व अवयवांना उद्देशून म्हटलेले हे विधान अतिशय समर्पक आहे. शरीर ही विविध अवयवांनी मिळून बनलेली रचना आहे. त्यातील प्रत्येक अवयव आपली काही वैशिष्ट्ये, जबाबदाऱ्या धारण करून असतो. त्यानुसार त्या - त्या अवयवांचे कार्य सुरू असते. त्यातील एकाही अवयवाचे कार्य बिघडले असता त्याचा विपरीत परिणाम संपूर्ण शरीरावर होतो, म्हणून प्रत्येक अवयवाने स्वत:चे नियोजित कार्य सातत्याने, न कंटाळता करणे हे शरीराच्या दृष्टीने हिताचे असते. जर जीवनचक्र सुरळीत चालू ठेवायचे असेल, तर प्रत्येक अवयवाने आपली सेवा सतत चालू ठेवणे आवश्यक असते. ज्याप्रमाणे एखाद्या राज्याच्या सुव्यवस्थेकरता नागरिकांमध्ये एकी असणे व प्रत्येकाने आपले काम चोख करणे आवश्यक असते, त्याचप्रमाणे सर्व अवयवांनीही एकत्र येऊन काम करणे गरजेचे असते, म्हणूनच हे सर्व अवयव या शरीररूपी राज्याला तारणारे, त्याची सेवा करून त्याला जपणारे सेवक आहेत.