Question

‘राष्ट्रीय पक्षी’ असा मानाचा किताब देण्यास मोर योग्य पक्षी आहे, याबाबत तुमचे मत सकारण स्पष्ट करा.

Answer 1

भारतात आढळणाऱ्या सर्व पक्ष्यांमध्ये मोर हा एक अद्वितीय पक्षी आहे. त्याचा डोक्यावरचा सुंदर तुरा, शोभिवंत मान आणि हिरव्या आणि निळ्या-जांभळ्या रंगात लेपित पंख खरोखरच वैशिष्ट्यपूर्ण आहेत. मोरपिसावर निळा-हिरवा चमकणारा डोळा फारच आश्चर्यकारक आणि कलात्मक आहे. इतर पक्ष्यांपेक्षा मोराचे सौंदर्य अधिक खुलून दिसते. पावसात तो त्याची सगळी पिसे फुलवून थुईथुईई नाचतो. या झाडावरून त्या झाडावर उडतानाही त्याचे स्वरूप खूप आकर्षक दिसते. तो ऐटीत चालतो. मोराचा डौल काही औरच असतो. लहान मुलांना मोरपिसाचा स्पर्श व वहीत ते जपून ठेवायला खूप आवडते. मोर हे सरस्वतीचे वाहन आहे. या सर्व कलात्मक गुणांमुळे 'राष्ट्रीय पक्षी ' हा मानाचा किताब देण्यास मोर हा योग्यं पक्षी आहे.