Question

खालील कवितेसंबंधी दिलेल्या मुद्दयांच्या आधारे कृती सोडवा.

मुद्दे	'स्वप्न करू साकार'
1. प्रस्तुत कवितेचे कवी/कवयित्री
2. प्रस्तुत कवितेचा विषय
3. प्रस्तुत ओळीचा सरळ अर्थ लिहा.	'हजार आम्ही एकी बळकट। सर्वांचे हो एकच मनगट।।'
4. प्रस्तुत कविता आवडण्याचे वा न आवडण्याचे कारण
5. प्रस्तुत शब्दांचा अर्थ लिहा.	i. विभव - ii. मंगल - iii. श्रम - iv. हस्त -

Answer 1

मुद्दे	'स्वप्न करू साकार'
1. प्रस्तुत कवितेचे कवी/कवयित्री	किशोर पाठक
2. प्रस्तुत कवितेचा विषय	देशाच्या उज्ज्वल भविष्याचे स्वप्न
3. प्रस्तुत ओळीचा सरळ अर्थ लिहा.	आम्ही भारतीय संख्येने अगणित आहोत तरी आमची एकता अखंड आहे. आमच्या मनगटात एकीची शक्ती आहे.
4. प्रस्तुत कविता आवडण्याचे वा न आवडण्याचे कारण	हे समूहगीत साध्या, सोप्या भाषेत देशातील शेतीसंस्कृती, श्रमांचे महत्त्व व एकता या मूल्यांवर भर देते. आपल्या देशाची भरभराट व्हावी, विकास व्हावा असा शुभ विचार व्यक्त करतानाच आपण सर्वांनी या कार्यात पुढाकार घेऊया असा प्रयत्नवादी दृष्टिकोन कवी मांडतात. ही कविता उत्साही भाव व सकारात्मकता निर्माण करते. यमक साधणारी, तालबद्ध रचना असल्यामुळे ती लयीत गाता येते. सर्व देशवासियांना देश घडवण्याची प्रेरणा देणारी ही कविता मला फारच आवडते.
5. प्रस्तुत शब्दांचा अर्थ लिहा.	i. विभव - ऐश्वर्य/संपत्ती ii. मंगल - पवित्र iii. श्रम - कष्ट iv. हस्त - हात