Question

खालील निवेदन वाचा व त्याखालील कृती सोडवा:

मधुर/मधुरा कुलकर्णी, ज्ञानदीप विद्यालय, सांगली विद्यार्थी प्रतिनिधी या नात्याने उत्तम उपक्रमाबद्दल अभिनंदन करणारे पत्र व्यवस्थापकांना लिहा.

Answer 1

दिनांक: २४ जून २०२३

प्रति,
माननीय व्यवस्थापक,
आम्रपाली रोपवाटिका,
यशवंतनगर, सांगली.
ई-मेल: [email protected]

महोदय,

मी मधुरा कुलकर्णी, ज्ञानदीप विद्यालयाची विद्यार्थी प्रतिनिधी म्हणून हे पत्र लिहीत आहे. सर्वप्रथम आमच्या शाळेच्या वतीने आपले मनःपूर्वक अभिनंदन करते. शाळा-शाळांमध्ये वृक्षारोपणाला चालना देण्यासाठी आपल्या आम्रपाली रोपवाटिकेमार्फत दि. १५ जून ते २० जून या कालावधीत मोफत रोपांचे वितरण करण्यात आले. हा उपक्रम अत्यंत कौतुकास्पद व प्रेरणादायी आहे.

वृक्षारोपणासोबतच वृक्षसंवर्धनाचे महत्त्व लक्षात यावे यासाठी आपण बक्षीस जाहीर केले होते. त्यामुळे अनेक शाळांनी या उपक्रमात उत्स्फूर्तपणे सहभाग घेतला. आमच्या शाळेतही मोठ्या उत्साहात वृक्षारोपण कार्यक्रम यशस्वीपणे राबवण्यात आला.

विद्यार्थ्यांनी लावलेल्या रोपांचे संगोपन करण्याची जबाबदारीही त्यांनी स्वतः स्वीकारली आहे. पर्यावरण संवर्धनाची जाणीव निर्माण करून नव्या पिढीला निसर्गाशी जोडण्याची आपली संकल्पना निश्चितच प्रशंसनीय आहे. या माध्यमातून आपण एक व्यापक पर्यावरण चळवळ उभी केली आहे.

या सर्व उपक्रमांसाठी आपले पुन्हा एकदा मनःपूर्वक अभिनंदन.

आपली नम्र,
मधुरा कुलकर्णी
(विद्यार्थी प्रतिनिधी)