Question

खालील विधानाशी आपण सहमत आहात की नाही ते सकारण स्पष्ट करा.

मक्तेदारीयुक्त स्पर्धेची अनेक वैशिष्ट्ये आहेत.

Answer 1

या विधानाशी मी सहमत आहे.

कारणे: मक्तेदारीयुक्त स्पर्धेची काही वैशिष्ट्ये पुढीलप्रमाणे आहेत:

1. अनेक विक्रेते: मक्तेदारीयुक्त स्पर्धेत विक्रेत्यांची संख्या अल्पाधिकारापेक्षा जास्त पण पूर्ण स्पर्धेपेक्षा कमी असते. येथील उत्पादक आपल्या वेगळ्या (विभेदित) वस्तूचा मक्तेदार असला तरी, त्याला जवळचे पर्याय असलेल्या इतर विक्रेत्यांच्या स्पर्धेला तोंड द्यावे लागते.
2. असंख्य ग्राहक: या बाजारात ग्राहकांची संख्या खूप मोठी असते. एका ग्राहकाची मागणी ही एकूण बाजार मागणीचा अतिशय लहान भाग असल्याने, कोणताही एक ग्राहक वस्तूच्या किमतीवर नियंत्रण मिळवू शकत नाही.
3. वस्तुभेद: वस्तुभेद हे मक्तेदारीयुक्त स्पर्धा बाजाराचे महत्त्वाचे वैशिष्ट्य आहे.  उत्पादकाची वस्तू चिन्ह, रंग, आकार किंवा दर्जा यानुसार इतरांपेक्षा थोडी वेगळी असते, ज्याला ‘वस्तुभेद’ म्हणतात. वस्तू काही प्रमाणात सारख्या व काही प्रमाणात वेगळ्या असल्याने येथे जवळचे पर्याय उपलब्ध असतात, परिणामी मागणीची छेदक लवचीकता अधिक असते. उदा. साबण, मोबाइल किंवा टूथपेस्ट.