Question

खालील फरक स्पष्ट करा:

जीवन विमा आणि अग्नी विमा

Answer 1

	जीवन विमा	अग्नी विमा
अर्थ	जीवन विमा हा विमा हमीदार व विमा धारक यांच्यामधील करार असून, विमा हमीदार हा विमाधारकास विशिष्ट कालावधी संपल्यानंतर किंवा मृत्यू यापैकी सर्वात आधी जे होईल त्यासाठी भरपाई करण्यास, विमाधारकाने विमा हप्ता भरल्यानंतर बांधील असतो.	अग्नी विमा हा एक करार असून ज्याद्‌वारे विमा हमीदार हा विमाधारकास आगीमुळे होणाऱ्या नुकसानीची भरपाई हमी देण्यास बांधील असतो.
विमा धारक	जीवन विमा हा विमादार स्वतः साठी अथवा कुटुंबासाठी घेतला जातो.	अम्नीविमा हा विमाधारक त्याच्या व्यावसायिक मालमत्तेसाठी अथवा व्यावसायिक देण्यांसाठी घेतला जातो.
विषय बाब	विमाधारकाचे जीवन ही जीवन विम्यामध्ये विषय बाब असते.	अग्नी विम्यामध्ये संपत्ती आणि मालमत्ता ही विषय बाब असते.
कालावधी	जीवन विमा हा कितीही वर्षांसाठी विमादाराच्या मृत्यूपर्यंत कितीही कालावधीसाठी घेता येतो.	अग्नी विम्याची मुदत साधारणतः एक वर्षापर्यंत असते.
भरपाई	भरपाई ही मृत्यूपश्चात अथवा विशिष्ट मुदतीपर्यंत यापैकी आधी जे होईल तेव्हा मिळते.	विमा कालावधीत आगीमुळे नुकसान झाल्यासच भरपाई मिळते.
नुकसान भरपाईचे  तत्त्व	जीवन विम्यासाठी नुकसान भरपाईचे तत्त्व लागू नाही कारण मानवी जीवनाची किंमत पैशात होऊ शकत नाही.	अग्नी विम्यासाठी नुकसान भरपाईचे तत्त्व लागू पडते. सदरच्या नुकसान भरपाईमुळे विमाधारक नुकसान होण्यापूर्वीच्या आर्थिक परिस्थितीत परत येऊ शकतो.
विम्यांची संख्या	एका जीवनासाठी विमाधारक कितीही विमा योजना घेऊ शकतो. सर्व विम्यांमध्ये भरपाई लागू असते.	अग्नी विमा हा साधारणत: एका विम्यात घेता येतो. पुनर्विमा सुद्धा या बाबतीत लागू आहे. परंतू, नुकसान भरपाई ही फक्त वास्तविक नुकसानासाठीच मिळते.
लाभार्थी	जीवन विम्यामध्ये लाभार्थी हा विमादार हयात असल्यास स्वतः अथवा निर्देशित व्यक्‍ती अथवा कायदेशीर वारसदार असतो.	लाभार्थी हा वस्तूंचा अथवा मालमत्तेचे विमा घेणारा विमादार असतो.
विम्याचे समर्पण	काही अटींच्या अधीन राहून विम्याचे समर्पन करता येते.	विम्याचे समर्पण होत नाही.