Question

'या बालांनो या रे या' हे गीत मिळवा व परिपाठात सादर करा.

Answer 1

या बालांनो, या रे या!

या बालांनो, या रे या! लवकर भरभर सारे या! मजा करा रे, मजा करा! आज दिवस तुमचा समजा.

स्वस्थ बसे, तोचि फसे; नवभूमी दाविन मी, या नगराला लागुनिया सुंदर ती दुसरी दुनिया.

खळखळ मंजुळ गाति झरे, गीत मधुर चहुंबाजु भरे; जिकडे तिकडे फुलें फळें, सुवास पसरे, रसहि गळे.

पर ज्यांचे सोन्याचे ते रावे, हेरावे; तर मग कामे टाकुनिया नवी बघा या ही दुनिया!

पंख पाचुचे मोरांना, टिपति पाखरें मोत्यांना; पंख फडकती घोड्यांना, मौज दिसे ही थोड्यांना.

चपलगती हरिण किती! देखावे, देखावे; तर मग लवकर धावुनिया नवी बघा या ही दुनिया!

या बालांनो, या रे या! लवकर भरभर सारे या!