Question

स्वमत.

सुगरणीला तिच्या पिलांची काळजी वाटते तशी तुमच्या आईलाही तुमची काळजी वाटते, हे सोदाहरण स्पष्ट करा.

Answer 1

आईचे दुसरे नावच ममता होय. माझी आई माझ्यावर खूप प्रेम करते. मला न्हाऊमाखू घालण्यापासून ते जेवण हाताने भरवेपर्यंत माझी काळजी घेतली आहे. माझे पालनपोषण चांगले व्हावे म्हणून ती खूप धडपड करते. दिवसरात्र तिने कष्ट उपसले आहेत. माझे शिक्षण नीट व्हावे, म्हणून तिने मला उत्तम शाळेत घातले. माझ्यावर चांगले संस्कार केले. एकदा लहानपणी मला खूप ताप आला होता; तेव्हा ती कपाळावर मिठाच्या पाण्याच्या घड्या घालण्यासाठी रात्रभर माझ्या उशाशी जागत बसली होती. ह्यावरून आईचे माझ्यावर किती प्रेम आहे हे दिसून येते.