Question

समघनी व क्षेत्रघनी पद्धतींतील फरक.

Answer 1

	समघनी	क्षेत्रघनी
i	समघनी पद्धतीत, समान मूल्य असलेल्या रेषांचा उपयोग घटकांचे वितरण दाखवण्यासाठी केलेला असतो.	क्षेत्रघनी पद्‌धतीत, नकाशातील भौगोलिक घटकांची आकडेवारी वेगवेगळ्या रंगछटा किंवा कृष्णधवल आकृतिबंधाने दाखवलेली असते.
ii	या नकाशांसाठी प्रदेशातील काही ठिकाणांची उंची, तापमान, पर्जन्यमान इत्यादींची अचूक सांख्यिकीय माहिती मिळवावी लागते.	हे नकाशे काढताना घटकांच्या मापन, सर्वेक्षण इत्यादी प्रक्रियेतून उपलब्ध झालेल्या सांख्यिकीय माहितीचा उपयोग केला जातो.
iii	यामध्ये प्रदेशांच्या उपविभागांचा विचार केलेला नसतो.	यामध्ये प्रदेशाच्या प्रत्येक उपविभागासाठी घटकांचे एकच मूल्य दिलेले असते.
iv	या पद्धतीत सममूल्य रेषा जवळजवळ असतील, तर घटकातील बदल तीव्र आणि एकमेकांपासून दूर असतील, तर बदल सौम्य असतो.	या पद्धतीत रंगछटा किंवा कृष्णधवल आकृतिबंध हे दिलेल्या घटकाच्या वाढत्या मूल्यानुसार गडद होत जातात.
v	या नकाशामुळे घटकांच्या वितरणातील नैसर्गिक कल लक्षात येतो.	ते वापरताना वाढत्या मूल्यांप्रमाणे गडद होत जातात व ते मूल्यगटानुसार नकाशावर काढले जातात.