Question

पुढील मुद्दयांवरुन कथालेखन करा.

मुद्दे - एक राजा - त्याची प्रजा आळशी होती - त्यांना उद्योगी बनवण्यासाठी राजा युक्ती करतो - रस्त्यात मधोमध दगड ठेवतो - त्यांच्याखाली - सोन्याची नाणी असलेली पिशवी - अनेक लोक जातात, पण दगड उचलत नाहीत - एक गरीब माणूस तो उचलतो - पिशवीतील नाणी त्याला मिळतात - लोकांना हे कळते - लोक उद्योगी बनतात -

Answer 1

राजा विवेकसिंहाची युक्ती

एके काळी एका दूरदेशात 'विवेकनगर' नामक एक राज्य होते. त्या राज्याचा राजा अत्यंत बुद्धिमान आणि त्याची प्रजा आळशी होती. प्रजेच्या आळशी स्वभावामुळे राज्याची प्रगती थांबली होती. याचा राजा विवेकसिंहला खूप वाईट वाटत होत. तो आपल्या प्रजेला उद्योगी बनवण्यासाठी एक युक्ती करतो.

एक दिवस राजा विवेकसिंहाने नगरातील मुख्य रस्त्यावर मधोमध एक मोठा दगड ठेवण्याचे आदेश दिले. दगडाखाली त्याने एक पिशवी ठेवली, ज्यात सोन्याची नाणी होती. दगडावर 'जो कोणी हा दगड उचलेल, त्याला खालील बक्षीस मिळेल' असे लिहिले होते. दिवसभरात अनेक लोक त्या दगडापासून जात, थांबत आणि पाहत, पण कोणीही तो उचलण्याचा प्रयत्न करत नाही. अनेकांनी त्याला फक्त एक अडचण समजून दुसऱ्या बाजूने जाणे पसंत केले. लोक म्हणत, "हा दगड उचलण्यात आमचा काय फायदा?"

काही दिवसांनंतर, एक गरीब माणूस त्या रस्त्याने जात होता. त्याने दगड उचलण्याचा निश्चय केला. त्याने उत्साहाने दगड उचलला आणि खालील पिशवीतील सोन्याची नाणी सापडली. त्याला आनंद झाला आणि तो धावत राजाकडे गेला. राजाने त्याच्या कृत्याचे कौतुक केले आणि त्याला अधिक बक्षीस दिले. ही बातमी राज्यभर पसरली आणि लोकांना लवकरच हे कळले की, उद्योगी आणि परिश्रमी असणे किती महत्वाचे आहे. त्यांनी आळशीपणा सोडून दिला आणि कष्टाने काम करण्यास सुरुवात केली. राज्यातील प्रत्येकाने आपल्या कामात मेहनत घेतली आणि लवकरच 'विवेकनगर' प्रगतीच्या नव्या उंचीवर पोहोचला.

राजा विवेकसिंहाची ही युक्ती प्रजेला उद्योगी बनवण्यासाठी एक अद्भुत उपाय ठरली. त्यामुळे, राज्यातील सर्वजण समृद्ध आणि सुखी झाले. राजा विवेकसिंहाचे नाव एक उत्कृष्ट शासक म्हणून इतिहासात कोरले गेले, ज्याने आपल्या प्रजेला उद्योगी आणि परिश्रमी बनवण्याचे महत्त्व शिकवले.

तात्पर्य: प्रत्येक संकटाला सामोरे जात, मेहनतीने काम केल्यास यश, समृद्धी, आणि आनंद नक्कीच मिळतो.