Question

उताऱ्याच्या आधारे सूचनेनुसार कृती करा.

१. योग्य जोड्या लावा. (2)

	‘अ’ गट	‘ब’ गट
(i)	हिरा	विद्वान
(ii)	शिल्पकार	श्रोतृगण
(iii)	विषयतज्ज्ञ	खाण
(iv)	भाषण	प्रबुद्ध
(v)	प्रौढ	शिल्पकला

 

मनुष्याच्या अंगी कोणताही गुण असला तरी परिश्रमाखेरीज व अभ्यासाखेरीज त्याचे तेज कधीही पडावयाचे नाही. खाणीतून नुकताच खणून काढलेला हिरा जसा मुळात तेजस्वी नसून शिल्पकारांच्या संस्कार प्रयोगांची त्याला खास अपेक्षा असते त्याचप्रमाणे गुणीजनांच्या अंगी असणारी कलाही शिक्षणाखेरीज पूर्वत्वाने कधी प्रकट होत नसते. असो, तर वक्‍तृत्व हे जरी मनुष्याच्या अंगी जन्मसिद्धच असले पाहिजे, तरी ते तसे कोणाचे ठायी असतानाही विद्वत्तेखेरीज ते पूर्ण शोभा कधीही द्यावयाचे नाही. विद्वान व रसिक लोकांना तुष्ट करून त्यांची मते आपल्या भाषणाने ज्यास वळवावयाची असतील त्याने भाषाशुद्धता, अर्थसंगती, सुंदर व प्रौढ विचार मोठमोठया नामांकित काव्यांचे, नाटकांचे व इतिहासाचेही ज्ञान संपादन करून त्याच्याशी त्याने सतत परिचय केला पाहिजे. याखेरीज इतर अनेक विषयांची माहिती त्याला असली तर चांगलीच कारण दृष्टान्त वगैरे देण्यास व भाषणास वैचित्रय व मनोरंजकता आणण्यास ती फार उपयोगी पडते. आणखी एक प्रभावी साधन म्हणजे अनुकरण. कोणताही गुण साध्य करून घेण्यास अनुकरणासारखा दुसरा उत्तम मार्ग नाही.

२. एका शब्दात उत्तेर लिहा. (2)

1. गु्णीजनांच्या अंगी असणारी कलेला अपेक्षा असते - ______
2. खाणीतून निघणारे - ______

Answer 1

१. 

	‘अ’ गट	‘ब’ गट
(i)	हिरा	खाण
(ii)	शिल्पकार	शिल्पकला
(iii)	विषयतज्ज्ञ	विद्वान
(iv)	भाषण	श्रोतृगण
(v)	प्रौढ	प्रबुद्ध

२. 

1. गु्णीजनांच्या अंगी असणारी कलेला अपेक्षा असते - शिक्षणाची
2. खाणीतून निघणारे - हिरा