Question

स्वमत.

‘तुले देले रे देवानं, दोन हात दहा बोटं।’ ही ओळ काय सुचवते ते तुमच्या शब्दांत सांगा.

Answer 1

बहिणाबाई चौधरी यांनी 'खोप्यामधी खोपा' या कवितेमध्ये सुगरणीने बांधलेल्या सुंदर घरट्याचे वर्णन करताना पाखराची कारागिरी व माणसाचे कर्तृत्व यांची तुलना करून माणसाला मोलाचा सल्ला दिला आहे. कवयित्री म्हणतात - सुगरणीची चोच इवलीशी असते. तेच तिचे दात व ओठ असतात. त्या चिमुकल्या चोचीने अतिसुंदर असे घरटे विणते. अरे, माणसा तुला तर देवाने तुझी कर्तबगारी सिद्ध करण्यासाठी दोन हात आणि दहा बोटे दिली आहेत. तू पाखरांपेक्षा अधिक कौशल्यपूर्ण व सौंदर्यपूर्ण निर्मिती कर. सुगरणीच्या खोप्याच्या प्रतीकातून बहिणाबाईंनी माणसाला रास्त उपदेश केला आहे व त्याच्या कलेला सार्थ आवाहन केले आहे.