Question

स्वमत.

मॉरिशसला बहुरंगी निसर्गसौंदर्य लाभले आहे, याविषयीचे तुमचे विचार स्पष्ट करा.

Answer 1

मॉरिशस हे समुद्रातील एक सुंदर साखरबेट आहे. त्याच्या चोही बाजूंना उसाचे हिरवेगार मळे पसरलेले आहेत. निळ्याशार समुद्राच्या पाण्याने ते वेढलेले आहे. मॉरिशसमधील घरे होडीसारख्या आकाराची दिसतात. भारतीय घरांसमोर गर्द हिरव्या पानांनी नटलेली पिवळ्या केळ्यांची बाग आढळते. घरांच्या भिंती पांढऱ्या रंगाने रंगवलेल्या आहेत. त्यावरील छपरे हिरव्या, निळ्या आणि लाल रंगांची आहेत. घरासमोर सुंदर फुलझाडांनी सजलेला रंगीबेरंगी परसू (परसदार) असतो. त्या परसूत निळ्या पाण्याचे तळे असून त्यात लाल व निळी कमळे फुललेली दिसतात. या सर्व रंगांची उधळण पाहिल्यावर असे वाटते की मॉरिशसला बहुरंगी निसर्गसौंदर्याची देणगी लाभली आहे.