Question

‘शाल व शालीनता’ या पाठाच्या आधारे तुम्हांला कळलेला अर्थ स्पष्ट करा.

Answer 1

शालीनता हा व्यक्तीच्या स्वभावाचा एक गुण आहे, जो नैसर्गिक असावा लागतो, तर शाल हे सन्मानाचे प्रतीक मानले जाते. एखाद्या व्यक्तीचा गौरव करण्यासाठी तिला श्रीफळ व शाल दिले जाते. मात्र, सन्मान म्हणून मिळालेली शाल आणि व्यक्तीची शालीनता यांचा थेट संबंध असतोच असे नाही. कवी नारायण सुर्वेही याच गोष्टीवर प्रकाश टाकतात. प्रत्येक शाल मिळालेली व्यक्ती शालीन असेलच किंवा ज्या व्यक्तीला शाल मिळाली नाही ती शालीन नसेल, असे गृहीत धरता येत नाही. केवळ शाल पांघरल्याने मनातील व आचरणातील शालीनता प्राप्त होत नाही. तसेच, स्वभावतः शालीन असणाऱ्या प्रत्येक व्यक्तीला शालस्वरूपी सन्मान मिळेलच असेही नाही; परंतु ती व्यक्ती आपल्या शालीनतेचे जतन करत राहते. त्यामुळे, ‘शाल’ आणि ‘शालीनता’ यांचा थेट परस्परसंबंध आहेच असे म्हणता येत नाही.