Question

खालील विधान सकारण स्पष्ट करा:

ग्राहकांच्या हक्काचे संरक्षण करणे हे ग्राहक संघटनांचे ध्येय असते.

Answer 1

ग्राहक संरक्षणामध्ये ग्राहक संघटना प्रकारच्या स्वयंसेवी संस्थांची (NGOs) भूमिका पुढीलप्रमाणे स्पष्ट करता येते:

1. स्वयंसेवी संस्था ग्राहक विषयांवर सामाजिक जागरूकता निर्माण करण्यासाठी मोहिमा आणि विविध कार्यक्रमांचे आयोजन करतात.
2. त्या ग्राहकांसाठी प्रशिक्षण कार्यक्रम राबवून त्यांना त्यांच्या हक्कांविषयी आणि तक्रार निवारणाच्या विविध मार्गांविषयी जागरूक करतात.
3. ग्राहकांशी संबंधित घडामोडींबाबत माहिती देण्यासाठी त्या नियमितपणे मासिके आणि नियतकालिके प्रकाशित करतात.
4. ग्राहक हिताच्या बाबींमध्ये सदस्यांना विनामूल्य कायदेशीर सल्ला देतात आणि संबंधित प्राधिकरणाकडे तक्रार दाखल करण्यास मदत करतात.
5. स्वयंसेवी संस्थांचे सक्रिय सदस्य व्यापारी आणि वाणिज्य व उद्योग मंडळांशी संवाद साधून ग्राहकांना अधिक चांगला व्यवहार मिळावा यासाठी प्रयत्न करतात.
6. सार्वजनिक आरोग्यास अपायकारक असलेल्या उत्पादनांवर किंवा औषधांवर बंदी घालण्यासाठी जनहित याचिका दाखल करतात. तसेच ग्राहकांचे हक्क सुरक्षित ठेवण्यासाठी आणि सर्वसामान्यांच्या हिताचे संरक्षण करण्यासाठी न्यायालयात खटले दाखल करतात.